Hoxe é un día moi agardado polas familias para falar cos acampados e acampadas.

Esta decisión de falar o xoves, está moi estudada por diferentes profesionais e tras anos de probas. Sabemos que para algunha familia é duro e preferiría falar máis, pero insistimos en que é beneficiosa para ambas partes:

A rapazada ten que pasar un período de adaptación e conseguir unha autonomía propia. Os campamentos non son só unhas vacacións lúdicas, son espazos educativos onde a rapazada aprende moitos valores.

As familias teñen que empezar a deixar voar sós aos seus seres máis queridos, que son as fillas e os fillos.

A confianza no equipo dirixente é a clave do éxito destas medidas. Se un neno ou nena se atopa mal, nos seremos os primeiros en chamar ás familias e tomar unha decisión acorde aos acontecementos.

Despois desta parrafada, poñemos algunha fotiño.