O Plan de Apertura de Centro ten como obxectivo ofrecer ao alumnado unha oferta de xornada escolar máis ampla, dando así unha resposta educativa ás demandas dos actuais modelos de organización familiar e procurando facilitar a busca de novas fórmulas de organización escolar que coas que se potencien centros abertos, con autonomía organizativa e de xestión.
Non é doado conciliar a vida familiar coa profesional. Os distintos horarios de pais e fillos á hora de empezar a xornada laboral ou escolar é un exemplo dos problemas que se lles presentan diariamente a moitas familias.
AULA MATINAL
É un servizo encamiñado a conciliar a vida laboral e familiar e orientado para aqueles pais que por razóns laborais non poden estar cos seus fillos entre as 7:30 e as 9:00 horas da mañá, hora na que comezan as clases. Este servizo consiste na Atención Educativa dos nenos/as da etapa de Educación Infantil e Primaria.
Durante este período de tempo, procédese:
- Benvida, acollida e control de todos/as os alumnos/as á entrada do centro.
- Almorzo mediterráneo, san, equilibrado e acorde ao gasto enerxético que os alumnos/as necesitan nun día escolar (zumes, froita, leite, cacao, pan, aceite e galletas).
- Educación e hixiene bucodental.
- Programa de actividades non regradas, de relaxación, descanso e apoio adaptadas ás diferentes idades, que propicien unha progresión correcta de incorporación do alumno/a á aula.
- Limpeza e recollida da aula matinal.
- Acompañamento dos alumnos/as ás súas aulas correspondentes.
Está aberta a calquera alumno/a que queira facer uso dela.
A aula matinal aprovéitase como unha actividade de gran valor educativo na que se traballan contidos de educación para a saúde: hábitos de hixiene persoal (lavado de mans antes e despois do almorzo, cepillado de dentes), necesidade dunha dieta sa e equilibrada, coa educación.
As actividades que se realicen despois de almorzar serán de media-baixa ou baixa intensidade, adaptadas ás diferentes idades dos asistentes:
• Xogos de mesa
• Lecturas
• Proxeccións
• Realización de tarefas escolares
Monitores de comedor
Este servizo ofértase aos Centros de Ensino que teñen comedor escolar, nos que quedarán os monitores a cargo dos nenos e nenas ata a hora de empezar as clases.
Os monitores recollen e deixan os nenos e nenas directamente nas súas aulas.
Actividades extraescolares
As actividades extraescolares convertéronse nun complemento da xornada escolar de moitos rapaces e nun desafogo para os pais cunha axenda laboral demasiado apretada.
Os expertos sinalan que as actividades extraescolares son útiles na medida en que favorecen o desenvolvemento persoal do neno/a e que este debe vivilas como unha experiencia lúdica, como un tempo dedicado ao xogo distinto ás clases convencionais. Á hora de elixir unha actividade educativa ou deportiva para o voso fillo ou vosa filla, é fundamental contar coa súa opinión favorable. Do contrario, ao pouco tempo sentirase desmotivado e terminará odiando a dita actividade. Tampouco se pode abusar delas. Un neno/a non está preparado/a para soportar unha xornada de adulto e unha sobresaturación pode ocasionarlle estrés emocional.
Estas actividades de carácter social e educativo, están enfocadas a estimular os nenos/as e mozos/as as súas interrelacións humanas así como as súas iniciativas no campo do deporte, a cultura, o ocio, a familia, etc.
A continuación pasamos a presentarlle os distintos tipos de actividades que se poden desenvolver. Sobre estas a ANPA ou o centro elixirán as máis indicadas segundo as súas necesidades e características.
Ademais toda esta organización é perfectamente compatible e coordinable coa dirección do colexio e a ANPA.
Actividades individuais
Ximnasia Rítmica
Deporte feminino que fomenta calidades físicas como a coordinación e a flexibilidade, ademais de incluír aspectos artísticos como coreografías con música, etc...
Artes Marciais
Judo, karate, taekwondo, etc... Confianza, seguridade, equilibrio e fortaleza física son as principais calidades desenvolvidas neste tipo de deportes, practicados tanto por nenos como por nenas, destacando nestas últimas a súa astucia e a súa viveza.
Natación
Considerado como un dos deportes máis completos, os seus efectos sobre o desenvolvemento harmónico dos nenos é excelente.
Aeróbic Infantil e Adulto
Esta actividade que, cada día ten máis practicantes mestura de forma natural os efectos fisicamente positivos da súa práctica: resistencia, coordinación, etc... con outros como o sentido do ritmo. Psicomotricidade
Dirixida aos máis pequenos (3-4 anos), os seus obxectivos principais son conseguir un adecuado desenvolvemento psicomotriz do neno, e estimular o crecemento.
Xadrez
Dirixido a nenos e adultos, desenvolve de maneira perfecta a coordinación, psicomotricidade e a rapidez mental, sendo ademais un deporte de recoñecido prestixio a nivel emocional.
Patinaxe artístico
Este deporte de equilibrio e graza é moi divertido na súa práctica e, como a ximnasia rítmica tamén ofrece parte artística con coreografía, etc...
Actividades colectivas
Balonvolea, fútbol, fútbol sala, balonmán, baloncesto, etc...
Todos estes deportes de tipo colectivo caracterízanse por fomentar nos nenos un sentido de compañeirismo e solidariedade, ademais de desenvolver, en función da actividade que sexa, as distintas calidades físicas.
Ademais e enfocado ás nais e pais de alumnos mentres esperan por eles durante as actividades, podemos organizar: ximnasia de mantemento, aeróbic, etc...
A todas estas actividades propostas pódense engadir as que a ANPA considere oportunas, aínda que non estean incluídas neste proxecto.
É importante resaltar que todo o persoal estaría contratado, sendo GOLFIÑO Xestión de Ocio S.L.N.E. o responsable absoluto da súa situación laboral.
Posibles actividades extraescolares:
Actividades Infantís
Expresión e creatividade, Debuxo e pintura, Obradoiro de inglés, Coñece a música, Pequenos científicos, Tarde divertida, Obradoiros tradicionais, Animación á lectura, Xogos predeportivos, Educación ambiental, Programa multiactividade, Obradoiro de informática e comunicación I e II, Obradoiro de teatro, Obradoiro de prensa, Polideporte, etc.
Actividades para pais e nais
Deportivas : Ximnasia de mantemento, aeróbic, baile e danza, ioga, etc. Culturais: Teatro, fotografía, cursos monográficos, cociña, etc. Obradoiros creativos: Traballos manuais de todo tipo, restauración, debuxo e pintura, encaixe de palillos, tapiz, téxtil, plantas de interior, obradoiros tradicionais, etc. Educativas: Obradoiros de educación ambiental, reciclado e reutilizado, educación para a saúde, tolerancia e igualdade, habilidades sociais, etc. Novas Tecnoloxías: Informática (iniciación e perfeccionamento), Internet, foto dixital, etc.
Apertura do Centro en épocas de vacacións
Este servizo ao igual que a aula matinal vai encamiñado a conciliar a vida laboral e familiar e orientado para aqueles pais e nais que por razóns laborais non poden estar cos seus fillos, todo o tempo que quixesen, durante os períodos de vacacións de verán, Nadal, Entroido e Semana Santa.
A nosa proposta vai máis alá dun obradoiro de traballos manuais ou unha actividade para realizar un traballo concreto. Ofertamos a creación dun espazo onde os escolares poden relacionarse entre eles a través do xogo. Contarán cunha ampla variedade de actividades: xogos colectivos, xogos de mesa, xogos tradicionais, xogo libre, asembleas, animación lectora, pequenos obradoiros, festas e grandes xogos...
Neste programa os participantes contarán cun espazo onde afondar nas relacións de amizade cos seus compañeiros de clase, pero tamén para relacionarse con nenos/as doutras idades. Descubrirán os valores do xogo, aprendendo a xogar como unha ferramenta imprescindible para que no seu futuro medren como persoas. |
